Korleis motarbeide innavl i små populasjonar
Dette er tema på faginnslaget i raselagets årsmøtet i Rissa 22. mars. Landbruksrådgjevar i Rissa kommune, Trine Bjørnerås, vil gjere greie for tiltak mot innavl i ein liten sauepopulasjon som Grå trøndersau er.
Ho seier at å ha eit godt organisert utval av verar er viktig. Og verpolitikken blir eit viktig poeng i innlegget hennar. Ho vil og sjå litt på rom for utval for produksjonseigenskapar som ull og kjøtt samtidig som ein skal unngå innavl og stabilisere Grå trøndersau sitt rasetypiske preg.
Trine Bjørnerås gjekk ut frå Universitetet for miljø- og biovitenskap i 2008, med mastergrad i avl.
Ho arbeidde først i to år som avlskonsulent i Norsk Sau og Geit og etter det lærar på Rissa vidaregåande skole til ho vart tilsett som landbruksrådgjevar i Rissa kommune.
Som utdaninga viser er Bjørnerås interessert i husdyravl og ho har stor interesse av å ta vare på dei gamle norske husdyrrasane. Sjølv bidreg ho praktisk i dette arbeidet med at ho har skaffa seg ein tungdøl som ho snart får på stall heime. Den skal brukast både som arbeidshest og settast i avlen.